يا ناسى . يا أهلى يا كل اللى ليا . يا لافف عقولكم والحال دا عال
يا ناس يا فكرة لكل همومنا أن دا شىء محال
يا رايح وراجع . يا طالع ونازل . يا شايف ولادك حالهم دا حال
يا أهلى حبيبى يا شعبى يا سيدى حبكم فى قلبى وبرا قلبى دا شىء محال
أحبك بتلعب تجرى وتمرح وتهد حيلك تروح تنام
أحبك يا سارح ياللى شايف غيرك بيغرق فى شبر من المحال
أحب اللى يلعب لعبة ذكية فى قلب صنية ثلاث ورقات
كتشينه هى فن وغية لاكن تليق على كل الحرمية
أحبك تتابع تحاسب تراجع لكن برا مخك تفكر. محال
أموت فلى عارف وفى الاصل خايف وشايف ظروفه وبالع لسان
يا سلام لو تغفل وتمشى وأشوفك راجل وهمه أكل العيال
يا واد. لوتطنش وشوية تهيس وتفضل تلملم مم العيال
أحبك تفكر وتحبط وتعدى الجيران . بأن الحياة هنا محال
يا سلام لو تجرى تطلع جوازك وتروح تهاجر وتبعت للعيال
وأوعا فى يوم تفكر تقرر ترجع تشارك فى بلدك محال
يا سلام لو فى سينما تعيش حياتك وتنسا اللى برا وتسيب مجال
فى حب تحب . يعشقو تعشق . خليك فى دنيا سهلة المنال
سعتها حتسرح وأحتمال تهرب من دنيا سينما ملهاش فى المجال
وتعملى راجل وتفرد دراعك وتهرب وتجرى وتمسك سراب
دى سينما التحيه وسينما الهجايس حتعملى روحك ملاك من سراب
وأحبك توافق تجرى تشارك وتحط صوتك لينا بأتكال
مسيرها تحلا وبالفقر تعلا وتركها علينا أحنا بتوع المحال
حضر لمون . أقولك خليه عصير المهم فى الاخر أنت من الفقر مش حتطير
خليك ياعم راضى وفى الفقر عادى وأوعا تطور أو حتى تفكر تعملى تمثال
أحسن أحبك وما أفكر ألبك ولا أهزاء اللى جابك وأسيبك خلاص تربى العيال
كدا مش قضيه ولا تبقا رزية أشوفك تطور تفكر تنور فى حتة تمثال
وسلام يا شعبى يا أهلى يا ناسى
يا ريت لو تحبو كل المقال
من شاب مصرى وليه فى المجال
07 اغسطس, 2007 11:41 م